«Շենգավիթ» բժշկական կենտրոնը Հայաստանի Հանրապետության  ժամանակակից, բարձր տեխնոլոգիաներով հագեցած, հարմարավետ, եվրոպական չափորոշիչներին համապատասխանող բժշկական կենտրոն է, որտեղ բնակչությանը ցուցաբերվում է եվրոպական չափորոշիչներին համապատասխան, բարձրակարգ, բազմապրոֆիլ բժշկական օգնություն: Կլինիկան հագեցած է  հարմարավետ հիվանդասենյակներով, բազմապրոֆիլ բաժանմունքներով, որոնք ապահովում են հետազոտությունների, միջամտությունների և վիրահատությունների ողջ ծավալը: Կլինիկայում աշխատում է բազմափորձ, բարձրակարգ և իր մասնագիտական որակը շարունակաբար բարձրացնող մասնագետների կազմ: Կլինիկան վերազինվել է հանրահայտ բուժտեխնիկա արտադրող եվրոպական ընկերությունների լավագույն բուժսարքավորումներով՝ «Սիմենս», «Շտորց», «Ռոշ», «Օլիմպուս», «Տոշիբա», «Ջեներըլ էլեքթրիքս»:  «Շենգավիթ» բժշկական կենտրոնը հանդիսանում է Մխիթար Հերացու անվան Երևանի պետական բժշկական համալսարանի և  ՀՀ Ավդալբեկյանի անվան ազգային ինստիտուտի կլինիկական բազա: Երկար տարիներ անդավաճան մնալով մեր կարգախոսին՝ «Հարմարավետություն անձնակազմին, հարմարավետություն այցելուին» շարունակում ենք էլ ավելի նոր ու մեծ քայլերով առաջ գնալ: Յուրաքանչյուր հիվանդին անհատական մոտեցման սկզբունքով «Շենգավիթ» ԲԿ-ը շարունակում է իր առաջատար դիրքերը պահպանել:

‍

Արմեն Յուրիի Նանյան 2013թ. ավարտել եմ ԵՊԲՀ-ն, ստանալով բժշկի որակավորում։ 2015թ.-ից աշխատում եմ Երեւանի Շենգավիթ ԲԿ-ի գինեկոլգիական բաժանմունքում, որպես գինեկոլոգ։

‍

2015թ. մասնագիտացել եմ էնդոսկոպիկ վիրաբուժությունում CICE / CHU ESTAING համալսարանական կլինիկայում (Կլերմոն Ֆեռան, Ֆրանսիա), որն առաջատարն է գինեկոլոգիայի ոլորտում՝ մինիմալ-ինվազիվ վիրաբուժության մեջ։ Մասնագիտական վերապատրաստումը ներառում էր ոչ միայն մինիմալ-ինվազիվ միջամտության առանձնահատկությունների խորն ուսումնասիրություն, այլև չափազանց ինտենսիվ գործնական մաս՝ մասնակցություն կոնքի օրգանների ամենաբարդ վիրահատություններին:

‍

Ֆրանսիական կլինիկայում ես կատարել եմ ավելի քան 180 էնդոսկոպիկ վիրահատություններ և՛ որպես ասիստենտ, և՛ որպես վիրաբույժ՝ աշխատելով աշխարհահռչակ բժիշկներիհետ՝ Ռևազ Բոչորիշվիլիի (Էնդոսկոպիկ Գինեկոլոգիայի և Վիրաբուժության Միջազգային Կենտրոնի CICE տնօրեն, բժշկական գիտությունների դոկտոր), Միշել Կանիսի և Նիկոլա Բուրդելի (Բժշկական գիտությունների դոկտորներ, պրոֆեսորներ և Օվերնի համալսարանի բժշկական ֆակուլտետի դասախոսներ (Կլերմոն-Ֆերան, Ֆրանսիա))։ Նման ինտենսիվ, խորացված և երկարաժամկետ վերապատրաստումը թույլ տվեց ինձ ձեռք բերել անգնահատելի փորձ՝ աշխատելով առաջատար վիրաբույժների հետ Եվրոպայում։  Սկսեցի սեփական պրակտիկայում կիրառել էնդոսկոպիկ բուժման նորարարական մեթոդներն ախտաբանությունների լայն շրջանակի բուժման մեջ, որոնք նաև առաջացնում են անպտղություն, արգանդի եւ հեշտոցի պատերի իջեցում, անմիզապահություն։

‍